Type of job : funding-opportunitie

Deadline : 2021-02-08

ឱកាសអាហារូបករណ៍ថ្នាក់បរិញ្ញាបត្រ ឆ្នាំសិក្សា២០២០ -​ ២០២១

មជ្ឈមណ្ឌលឧត្តមភាព ប្រពលវប្បកម្មកសិកម្មនិរន្តរភាព និងអាហារូបត្ថម្ភ (CE SAIN)​ (ហៅកាត់ថាមជ្ឈមណ្ឌលឧត្តមភាពស៊ីសេន) នៅសាកលវិទ្យាល័យភូមិន្ទកសិកម្ម សូមជូនដំណឹងដល់សាធារណជន​ទាំងពីរភេទ​​មេត្តាជ្រាបថា មជ្ឈមណ្ឌលឧត្តមភាពស៊ីសេននឹងផ្ដល់អាហារូបករណ៍ដល់សិស្សក្រីក្រដែលជាប់មធ្យមសិក្សាទុតិយភូមិដែលមកពីគ្រប់វិទ្យាល័យនៅក្នុងព្រះរាជាណាចក្រកម្ពុជា ឱ្យមកសិក្សាថ្នាក់បរិញ្ញាបត្រ នៅសាកលវិទ្យាល័យភូមិន្ទកសិកម្មរយៈពេល០៤ឆ្នាំ ក្រោមជំនួយឧបត្ថម្ភថវិកាពី United Service Foundation ដោយផ្ដោតលើថ្លៃបង់ការសិក្សារយៈពេល០៤ឆ្នាំ នៅសាកលវិទ្យាល័យ។​​

លក្ខខណ្ឌនៃការជ្រើសរើស 

បេក្ខជនទាំងពីរភេទត្រូវ 
- មានសញ្ញាតិខ្មែរ​
- ជាសិស្សដែលជាប់ថ្នាក់មធ្យមសិក្សាទុតិយភូមិក្នុងឆ្នាំសិក្សា២០១៩-២០២០
- ជាសិស្សក្រីក្រ ដោយមានការបញ្ជាក់ពីអាជ្ញាធរមូលដ្ឋាន។ 

កាលបរិច្ឆទ និងទីកន្លែងទទួលពាក្យ​

ថ្ងៃឈប់ទទួលពាក្យ ថ្ងៃទី៨ ខែកុម្ភៈ ឆ្នាំ២០២១  វេលាម៉ោង១៦ម៉០០នាទី នៅការិយាល័យរបស់មជ្ឈមណ្ឌលឧត្តមភាពស៊ីសេន ដែលមានអាសយដ្ឋាននៅអគារស៊ីសេន សាកលវិទ្យាល័យភូមិន្ទកសិកម្ម ផ្លូវចម្ការដូង សង្កាត់ដង្កោ ខណ្ឌដង្កោ រាជធានីភ្នំពេញ ឬផ្ញើរតាមសារអេឡិចត្រូនិច cesain@rua.edu.kh

កាលបរិច្ឆទនៃការសម្ភាស

ការសម្ភាសធ្វើឡើងនៅ ថ្ងៃទី១១ ខែកុម្ភៈ ឆ្នាំ២០២១ នៅមជ្ឈមណ្ឌលឧត្តមភាពស៊ីសេន។ 

សំណុំឯកសារដែលត្រូវបំពេញ

 ១. បង្កាន់ដៃទទួលពាក្យ​                                            ០១ច្បាប់​˝មានគំរូ˝

២. ពាក្យស្នើសុំអាហារូបករណ៍                                    ០១ច្បាប់​˝មានគំរូ˝

៣. ជីវប្រវត្តិរូបសង្ខេប                                               ០១ច្បាប់​˝មានគំរូ˝

៤. កិច្ចសន្យា                                                          ០១ច្បាប់​˝មានគំរូ˝

៥. សញ្ញាបត្រមធ្យសិក្សាទុតិយភូមិ (ច្បាប់ថតចម្លង)         ០១ច្បាប់

៦. លិខិតបញ្ជាក់ភាពក្រីក្រពីអាជ្ញាធរមូលដ្ឋាន                 ០១ច្បាប់

 ៧. លិខិតបញ្ជាក់អាប្បកិរិយាមាយាទ                            ០១ច្បាប់

សំណុំឯកសារ និងព័ត៌មានបន្ថែម

សូមទាញយកឯកសារបែបបទទីនេះ៖  ឯកសារបែបបទ

សម្រាប់ព័ត៌មានបន្ថែម សូមចូលទៅកាន់ ព័ត៌មានបន្ថែម

ឬ ផ្ញើសារមកកាន់អុីម៉ែលរបស់យើងតាមរយៈ cesain@rua.edu.kh  ឬទំនាក់ទំនងមក 023-6365-226។